ANTIOCHENI Canones XXV

ANTIOCHENI Canones XXV.

scripti, in Synodo Antiochiae habita, a provincialibus Episcopis, in causa Athanasii potissimum, sub Constantio et Constante Imperatorib. ac Iulio Papa Romano, A. C. 341. in Codice Canonum Ecclesiae, post Nicaenos, Ancyranos, Neocaesarienses et Gangrenses Canones collocati sunt: quos Laodiceni sequuntur, etc. Alios finxit, vel saltem fictos Orbi literato obtrusit, Canones Apostolicos novem Antiochenos Lambertus Gruterus, in editione Operum Celemntis Romani, quae prodiit Coloniae, A. C. 1570. quos ab Apostolis in Synodo Antiochena, in antiquitate Ecclesiastica inauditâ, nullique Historico fide digno memoratâ, constitutos vult ac sancitos, qua de re videatur Geth. von Mastricht Histor. Iuris Eccl. num. 136.